სასტუმრო სიღნაღში

გარემო:სასტუმროს კომპლექსი მდებარეობს ქ. სიღნაღის მახლობლად, მთის ბორცვზე შემაღლებულ ადგილას. ტერიტორიიდან არაჩვეულებრივი ხედი იხსნება, როგორც თვითონ სიღნაღზე, ასევე კავკასიონით შემოზღუდულ, მთელ ალაზნის ველზე. მეორე მხარეს კი კახეთის ამ რეგიონისთვის დამახასიათებელ ლანდშაფტზე, რომელიც წელიწადის ყველა დროს ულამაზესს დეკორაციას ქმნის და სასტუმროს მოცულობის წარმოქმნის განმსაზღვრელია. 

კონცეფცია:  ნაკვეთის სპეციფიური მდებარეობა, არასწორი კონფიგურაცია და რელიეფი განაპირობებს პლასტიური ფორმის წარმოშობას. ასევე ალეგორიად აღებულია ქ.სიღნაღის ძირითადი ელემენტები: გალავანი კოშკურებით და უნიკალური მცირე ეკლესია, რომელიც ერთერთ კოშკურაშია მოქცეული. ობიექტის ყველა ელემენტი ერთიან ხასიათშია გადაწყვეტილი და ერთიან კომპლექსს ქმნის, მოსაპირკეთებელ მასალად გამოყენებულია ხე, რათა მიმზიდველი, მეგობრული, სტუმართმოყვარე გაგვეხადა ნაგებობა. ხოლო ბაზისი მოპირკეთდა ქვით, ამით შევეცადეთ ხაზი გაგვესვა მდგრადობისთვის,  გამოგვეხატა ქართული მტკიცე ხასიათი.