კომპლექსი “ლისი“

მთლიანი საპროექტო მოცულობა დაიყო 3 ჰორიზონტალურ ნაწილად. ქუჩის დონეზე გაკეთდა ჯიბე, შედეგად შეიქმნა საზოგადოებრივი სივრცე და აქცენტი გაუკეთდა მთავარ მოსასვლელს. მოცულობის ზედა 2 ნაწილი მოტრიალდა სამხრეთ აღმოსავლეთის მიმართულებით. ბოლო ნაწილის მოტრიალებით ავითვისეთ უკან ციცაბო ფერდობზე ტერიტორია, რის მეშვეობითაც საცხოვრებელ კომპლექსს შეექმნა მყუდრო, იზოლირებული დასასვენებელი ზონა.

შენობა 11 სართულიანია, პირველ სართულზე განთავსებულია კომერციული ფართი და ჰოლი, ზედა 2 სართულზე განლაგებულია "ლოფტის" ტიპის საცხოვრებლები. დანარჩენ სართულებზე განთავსებულია საცხოვრებელი ბინები. შენობის ჩრდილოეთ ნაწილში განთავსებულია 5 სართულიანი ავტოსადგომი, რომლის თავზეც მდებარეობს კეთილმოწყობილი ეზო.